Şöbədə aparılan 2 ekspertiza növü üzrə 3 ekspert ixtisasının 9 tədqiqat metodu Türk Akreditasyon Kurumu (TÜRKAK) İdarə Heyətinin 14 may 2013-cü il tarixli qərarı ilə ISO/IEC 17025 ”Sınaq və kalibrasiya laboratoriyalarının yetərliliyi üçün ümumi şərtlər” standartı üzrə akkreditə edilmişdir.
Ədliyyə Nazirliyinin Elmi-Tədqiqat Məhkəmə Ekspertizası, Kriminalistika və Kriminalogiya Problemləri İnstitutunun “Məhkəmə-bioloji ekspertizası elmi-tədqiqat laboratoriyası” olaraq fəaliyyətə başlamışdır.
Bioloji ekspertizalar şöbəsində hal-hazırda 8 ştat vahidi üzrə (şöbə rəisi, baş ekspert, 2 böyük ekspert, aparıcı ekspert, 2 ekspert və baş mütəxəssis) səkkiz əməkdaş fəaliyyət göstərir. Şöbədə 3 ekspert ixtisası üzrə:
“12.1. Bitki mənşəli maddələrin tədqiqi”
“12.2. Heyvan mənşəli maddələrin tədqiqi”
“12.3. Torpaq mənşəli maddələrin tədqiqi” məhkəmə ekspertizaları keçirilir.
Məhkəmə-bioloji ekspertizası bitki, heyvan və torpaq mənşəli obyektlərinin təbiətini, növ və qrup mənsubiyyətini, bu növ obyektlərin müxtəlif alətlər və əşyalar üzərində qalan hissəciklərin və yaxıntılarının eyniləşdirilməsini müəyyən etməkdən ibarətdir.
Məhkəmə-bioloji ekspertizasının tədqiqat obyektləri – bitki mənşəli obyektlər (narkotik tərkibli bitkilər, təbii narkotik vasitələr, gövdə, yarpaq, budaq, toxum, kök, çiçək, tozcuqlar, tütün və tütün məmulatları, buğda, saman və s.), heyvan mənşəli obyektlər (quş tükü və lələyi, balıq pulcuqları, heyvan dərisi, heyvan tükü və s.), torpaq mənşəli maddələr (torpaq hissəcikləri, yaxıntılar və s.)
Bioloji ekspertizalar şöbəsində keçirilən məhkəmə ekspertizaları aşağıdakılardır:
1. Narkotik təbiətli bitkilərin növünün təyini ilə bağlı məhkəmə-bioloji ekspertizası.
2. Bitki mənşəli narkotik vasitələrin növünün və qrup mənsubiyyətinin müəyyənləşdirilməsinin məhkəmə-bioloji ekspertizası.
3. Sintetik kannabinoidlərin (“spays” adlı bitki qarışıqların) təyini ilə bağlı məhkəmə-bioloji ekspertizası.
4. Bitkinin və onun hissələrinin növünün və qrup mənsubiyyətinin təyini ilə bağlı məhkəmə-bioloji ekspertizası.
5. Bitki hissəciklərinin bioloji təsnifatına görə eyni cins və qrup əlamətlərinin tədqiqi ilə bağlı məhkəmə-bioloji ekspertizası.
6. Quş tükünün və lələyinin müəyyənləşdirilməsinin məhkəmə-bioloji ekspertizası.
7. Balıq pulcuqlarının növünün müəyyənləşdirilməsinin məhkəmə-bioloji ekspertizası.
8. Heyvan dərisi və tükünün növünün və qrup mənsubiyyətinin təyini ilə bağlı məhkəmə-bioloji ekspertizası.
9. Torpaq mənşəli maddələrin cins və qrup mənsubiyyətinin müəyyənləşdirilməsinin məhkəmə-bioloji ekspertizası.
10. Torpaq hissəciklərinin və onun yaxıntılarının tədqiqi ilə bağlı işlər üzrə məhkəmə-bioloji ekspertizası.
11. Daşıyıcı əşyalar üzərində olan torpaq hissəciklərinin eyniləşdirilməsi ilə bağlı işlər üzrə məhkəmə-bioloji ekspertizası.
Azərbaycan Respublikası Ədliyyə Nazirliyi
