Məhkəmə Ekspertizası Mərkəzinin elmi məcmuəsi üzrə DOI göstəriciləri yüksək nəticələr nümayiş etdirir
Azərbaycan Respublikası Ədliyyə Nazirliyinin Məhkəmə Ekspertizası Mərkəzinin “Məhkəmə ekspertizası, kriminalistika və kriminologiyanın aktual məsələləri” adlı elmi əsərlər məcmuəsi üzrə DOI (Digital Object Identifier) göstəriciləri yüksək nəticələr nümayiş etdirir.
Məcmuənin üzv olduğu “Crossref” təşkilatının son 3 ay üzrə DOI sistemində apardığı təhlillərə əsasən, jurnalda dərc olunan elmi məqalələrə istifadəçilər tərəfindən aktiv şəkildə baxışlar həyata keçirilir.
DOI ünvanlarına müraciətlərin aylıq statistikasına görə, 2026-cı ilin fevral ayında 368, mart ayında 332, aprel ayında isə 172 müraciət qeydə alınıb.
Hesabat dövründə istifadəçi marağına görə seçilən TOP 5 elmi məqalə aşağıdakılardır:
- “Bank dələduzluqlarının araşdırılmasında rəqəmsal ekspertizanın xüsusiyyətləri” - 37 müraciət (DOI:10.64498/KYTP5030);
- “Rəqəmsal mühitdə yetkinlik yaşına çatmayanların hüquqlarının müdafiəsi: normativ-hüquqi və beynəlxalq yanaşmalar” – 30 müraciət (DOI: 10.64498/CGUD1436);
- “Kibercinayətlərin kriminalistik xarakteristikası” – 13 müraciət (DOI: 10.64498/VHOJ2229);
- “Yetkinlik yaşına çatmayanların cinayət-hüquqi müdafiəsi sahəsində beynəlxalq standartlar” – 10 müraciət (DOI: 10.64498/MONK1709);
- “Məhkəmə-linqvistik ekspertizalarda dəyərli əlamətlərin müəyyən edilməsi” – 10 müraciət (DOİ: 10.64498/VTHP585).
Qeyd edək ki, məcmuədə Mərkəzin əməkdaşları ilə yanaşı respublikanın, o cümlədən xarici ölkələrin nüfuzlu hüquqşünas alimlərinin, gənc tədqiqatçıların, məhkəmə və hüquq-mühafizə orqanları işçilərinin məqalələri dərc olunur.
Nəşrin elektron versiyası mövcuddur və bütün buraxılışlar www.expert.gov.az saytında yerləşdirilir.
Jurnalın nəşri Mərkəzə dövlət büdcəsindən ayrılmış müvafiq xərclər hesabına maliyyələşdirilir.
Mərkəz öz elmi nəşrlərinin beynəlxalq rəqəmsal platformalarda görünürlüyünün artırılmasını, DOI sisteminin tətbiqinin genişləndirilməsini və elmi informasiya resurslarının əlçatanlığının daha da təkmilləşdirilməsini əsas prioritet kimi müəyyən edib.
Azərbaycan Respublikası Ədliyyə Nazirliyi
